BhajanLyrics4You

रावलियो जोगी लम्बो है....  स्थाई:-  रावलियो जोगी लम्बो है।  जाय असमोने अड़ियो, बाबो लम्बो है।  रुंखड़ियो जोगी लम्बो है। । बल रावण को, मार हटाया, विभीषण सूं राखी प्रीत।  विभीषण री प्रीत पालवा, धनुष बाण ले आयो,   बाबो लम्बो है। । हिरणाकुश को, मार हटाया, प्रहलादे सूं राखी प्रीत।  प्रहलादे  री प्रीत पालवा, खम्भ फाड़ हर आयो, बाबो लम्बो है। । दुर्योधन का, मेवा त्याग्या, शाक विदुर घर खाय।  पांडवो री प्रीत पालवा, सभा में चीर बढ़ायो। बाबो लम्बो है। । अंका तारया, बंका तारया, तारयो सजन कसाई।  सेन भगत री प्रीत पलवा, आप बण्या हरि नाई, बाबो लम्बो है। । घाटमदास, जात रो मेणो, शरणे आपरी आयो।  रूप रंग तो कछु न देख्यो, लम्बो देख ने धायो, बाबो लम्बो है। ।        ✽✽✽✽✽ यह भजन भी देखे  Mehandi Rachi Haatha Me Bhajan Lyrics भजन मेहंदी रची हाथा में Nij Mandiriya Mei Ramta Padharo निज मन्दिरिया में रमता पधारो Mharo Bedo Laga Dijo Paar म्हारो बेड़ो लगा दीजो ...

राज घणावर वंका ने   स्थाई:-  राज घणावर वंका ने रे पहाड़ो में, जियो  घणावर वंका ने रे पहाड़ो में, जगदम्बा हिण्डो बांधियो जी। । राज घणावर थारी ने रे डावड़ियाँ , हवले रे देवे लोरिया जी।  भले भवानी थारो रे पुजारी ओ, आरतियाँ बेगा आवजो जी।  राज  घणावर बागां रो रे वनमाली, फुलड़ाँ रा लावे सेंवरा जी।  भले भवानी दोंता रो कँवरियो,  माताजी रे मन्दिर आवियो जी। । राज  घणावर निवे रे निवे ने,  माँजी रे पाँव लागियो जी। ।   भले भवानी सोना री रे थाळी में, माताजी ने भोज परोसियो जी। । राज  घणावर जीमे ने रे चौके ने, थाळी रे ठोकर मारी ओ जी । । भले भवानी गायां रो रे ग्वालो,  ओ वरत मांगवा आवियो जी । । राज  घणावर मूंगा ने मोत्यां रो, ओ थाल भर ने लावियो जी । ।               ✽✽✽✽✽ यह भजन भी देखे  Sang Chadhe Veer Hanuman संग चढ़े वीर हनुमान Rajendra Suriji Ko Barambaar राजेन्द्र सूरीजी को बार-बार Bhilani Rangili Bhajan Lyr...

जाति रो कारण है नहीं... दोहा: नीच नीच सब तर गये,  संत चरण लवलीन । जाति के अभिमान में,  डूबे कई कुलीन ॥ किस्तूरी मूंगा मोल री,  नी कोई हाट बिकाई लखपतियों रे लादे कोनी,  नुगरा कद मोलाई ॥ स्थाई: जाति रो कारण है नहीं,  सिंवरे ज्यां रो सांई। सिंवर- सिंवर निर्भय हुआ,  देव दर्श्या घट माँहि ॥ अठ्ठासी हजार ऋषि तापता,  एके वन रे माँहि । भेळी तापती शबरी भीलणी,  उण में अन्तर नाँहि ॥ यज्ञ रचायो पाँचू पांडवां,  हस्तिनापुर माँहि । वाल्मीक सरगरो शंख बजायो,  जाति कारण नाँहि ॥ नीची जाति चमार री,  गुरु किया मीरां बाई । राणोजी परचो मांगियो,  कुण्ड में गंग दिखाई ॥ रामदास सिंवरे राम ने,  खेड़ापे माँहि । राजा प्रजा बादशाह,  सब ही शीश निवाई ॥       ✽✽✽✽✽ ❤ यह भजन भी देखे   ❤ Mharodo Sandesho Mhara Guruji Ne Dije Bhajan Lyrics Jal Par Jahaj Khadi Bhajan Lyrics Sun Mhara Manwa Veer Bhajan Lyrics Boli Boli Rah Ja Re Jibhadli Bhajan Lyrics Abh Har Ghar Main Ravan Betha Bhajan Lyrics

म्हाने जाणो सुन्धा गढ़.... दोहा: जय माता ज्वाला मुखी,  जय जय जगत करी । वर दे अपने भगत को,  माँ तोसे कास सरी ॥ स्थाई:   म्हाने जाणो सुन्धा जी रे धाम रे,  माँ चामुण्डा रो मेळो आयो । मेळा में कुण-कुण हालो रे,  हालो सुन्धा जी रे धाम जाणो ॥ ए भाई भाई रे सोनीड़ा वीरा वीनवूं रे,  हालो सुन्धाजी रे धाम जाणो । माँ ने झांझर ले ने मेळे आवजो रे,  माँ सुन्धाजी रे मेळे जाणो ॥   ए भाई-भाई रे मणिहारा वीरा वीनवूं रे,  माँ चामुण्डा रे धाम जाणो । माँ ने चुड़लो लेय ने आवजो रे,  माँ सुन्धा जी रे धाम जाणो ॥ ए भाई रे माळीड़ा वीरा वीनवूं रे,  हालो सुन्धाजी रे धाम जाणो । माँ ने फुलड़ा लेय ने मेळे आवजो रे,  हालो सुन्धाजी रे धाम जाणो ॥ भाई-भाई रे कुम्हार वीरा वीनवूं रे,  हालो सुन्धा जी रे धाम जाणो । माँ ने गरबो लेय ने मेळे आवजो रे,  माँ सुन्धा जी रे धाम जाणो ॥               ✽✽✽✽✽ ❤ यह भजन भी देखे   ❤ Avsar Ayo Re Tiran Ro Moko Bhajan Lyrics Hui Safal Kamai Maharaj Bharat Ri Bhajan Lyri...

आपरी भगती रो दाता गुण काँहि स्थाई : आपरी भगती रो दाता गुण काँहि,  जग जन एक समाना । के तो निज भक्ति नहीं,  के झूठा ही बाना ॥ मान सरोवर रा गुण काँहि,  जठे हंसा दुखियारा। के तो निज सरवर नहीं,  के बुगला भेख धारा ॥ सतगुरु भेट्यां रा गुण काँहि,  सुधरे नहीं चेला। के तो निज सतगुरु नहीं,  के मन नहीं झेला ॥ पारस भेट्यां रा गुण काँहि,  पलटे नहीं लोहा । के तो निज पारस नहीं,  के रह गया बिछेवा ॥ कल्पवृक्ष रो गुण काँहि,  मन री कळपना नहीं जाई । के तो निज कल्पवृक्ष नहीं,  के मन कुटळाई ॥ पुष्प वास रो गुण काँहि,  अलि लेत नहीं वासा । के तो निज पुष्पवास नहीं,  के भंवर उदासा ॥ दानपति रो गुण काँहि,  मनवर दान नहीं दीना । केवे कबीरसा धर्मीदास ने,  कछु कर्मों रा हीना ॥       ✽✽✽✽✽ ❤ यह भजन भी देखे   ❤ Raamji Sabka Sirjanhara Bhajan Lyrics Apani Jannat Ko Khuda Ke Liye Bhajan Lyrics Triloki Ro Nath Jaat Ghar Bhajan Lyrics Bhola Nahi Mane Re Lyrics Puran Prem Laga Dil Main Bhajan Lyrics

सौ-सौ शूरमां के बीच.... स्थाई: सौ-सौ शूरमां के बीच में,  अकेलो बजरंगी। अकेलो बजरंगी,  बाळी लंका रावण की ॥ रामचन्द्र सूं आज्ञा पाकर,  लंका गढ़ में जावे । सीताजी रो पतो लगाकर,  वो उत्पात मचावे ॥ मेघनाद जद नागपाश में,  बाँध सभा में लावे । रावण के दरबार में बाला,  मंद-मंद मुसकावे ॥ बड़ा-बड़ा ए शूरवीर तब,  रावण ने समझावे । शीश काट लो रामदूत रो,  तलवारां चमकावे ॥ जयकारो कर राम नाम रो,  बजरंग बाला बोले । सुण ले रावण बात हमारी,  काळ शीश पर डोले ॥ अभिमानी रावण के तब भी,  बात समझ नहीं आई। लंका नगरी बजरंग जारी,  हरखी सीता माँई ॥ रामदूत बजरंग बली ने,  दास अशोक सुणावे । निज चरणां में चाकर राखो,  चरणां में सुख पावे ॥       ✽✽✽✽✽ ❤ यह भजन भी देखे   ❤ Oh To Jagh Jutho Hei Sansar Bhajan Lyrics Rimjhim Rimjhim Karti Mhari Bhajan Lyrics Bhala Kisi Ka Kar Na Sako Bhajan Lyrics Das Gayo Kalo Beri Bhajan Lyrics Uncho Hai Bhawan Tharo Mataji Bhajan Lyrics

इण जोगीड़ा ने मत कहो न्यारो..... स्थाई: मत कहो न्यारो-न्यारो , इण जोगीड़ा ने । मत कहो न्यारो-न्यारो, हो जी ॥ न्यारो कहो तो मिळसी नहीं रे,  जोगी आधार तिहारो। उण जोगी बिना कछु नहीं रे,  जोगी जगत उजियारो ॥ जोगी कुंआरो जोगण कुंआरी,  कभी ना करत व्यभिचारो । भेळा रहे और भिड़ता नहीं,  जोगी बड़ो छन्दगारो ॥ जो जोगी ने देखे ना जोगण,  चैन न पावे लिगारो । एक पलक भर बिसरे नाँहि,  दोनों में प्रेम अपारो ॥ जोगण जोगी में प्रेम अखण्डित,  कबहुँ न टूटे तारो । जो यह प्रेम खण्डित होय जावे तो,  खेल बिखर जावे सारो ॥ जो जोगी ने देखणो चावे,  मन योग चित्त धारो । योग जुड्यां बिना जोगी न मिळसी, मिटसी न भरम अंधारो ॥ देवनाथ गुरु योगी ने रे,  पकड्यो हाथ हमारो । मानसिंह जद जोगी ने मिळ ग्यो,  जोगी रूप जग सारो ॥         ✽✽✽✽✽ ❤ यह भजन भी देखे   ❤ Aaj Ro Diwas Meh to Jau Bhajan Lyrics Jagh Mei Sundar Hei Do Naam Bhajan Lyrics Dheladi Marag Me kyu Byaahi Bhajan Lyrics Awo Mhara Natwar Nagariya Bhajan Lyrics Karigar Mat Naa...

और आसरो छोड़ आसरो..... स्थाई: और आसरो छोड़ आसरो,  ले लियो कुँवर कन्हाई को। हे बनवारी आज मायरो,  भर दे नैनी बाई को ।। असुर संहारन भक्त उबारण,  चार वेद महिमा गाई । जब-जब भीड़ पड़ी भक्तन पर,  तब-तब आप करी सहाई । पृथ्वी लाकर सृष्टि रचाई,  बराह होय सतयुग माँहि । असुर मार प्रहलाद उबार्यो,  प्रकट भये खम्भा माँहि । बावन होय बळी छळ लियो,  कीन्हो काम ठगाई को ॥ मच्छ कच्छ अवतार धारकर,  सुर नर की मनसा पूरी । अर्ध रेन गजराज पुकार्यो,  गरूड़ छोड़ पहुँचे दूरी ॥ भस्मासुर को भस्म करायो,  सुन्दर रूप बने हरी । नारद की नारी ठग लीनी,  जाकर आप चढे चँवरी । असुरन से अमृत ले लीनो,  बनकर भेष लुगाई को ॥ परशुराम भी रामचन्द्र भये,  गौतम की नारी तारी। भिलणी के फल झूठे खाये,  शंका त्याग दई सारी । करमां के घर खींचड़ खायो,  तारी अधम गणिका नारी । छलकर तर गई नारी पूतना,  कुबजा भई आज्ञाकारी । सेन भगत का सांसा मेट्या,  रूप बनाकर नाई को ॥ नामदेव रैदास कबीरो,  धन्ना भगत को खेत भार्यो । दुर्योधन का मेवा त्याग,  साग विदुर घ...

मैं तो उण रे संतन को दास.... दोहा: संत मिल्यां इतना टळे,  काळ जाळ जम चोट । शीश नमायां गिर पड़े,  लख पापन की पोट ॥ स्थाई: मैं तो उण रे संतन को हूँ दास,  जिन्होंने मन मार लिया। जिन्होंने मन मार लिया ॥ मन मार्या तन वश किया जी,  भई भरमना दूर ।। बाहर तो कुछ दीखत नाँहि,  भीतर भळके वारे नूर ॥ आपा मार जगत में बैठ्या,  नहीं किसी से काम । उण में तो कुछ अंतर नाँहि,  संत कहो जी चाहे राम ॥ प्याला पीया प्रेम का जी,  छोड्या जग का मोह । म्हाने सतगुरु ऐसा मिळिया,  सहजां ही मुगति होय ॥ नरसी मेहता समरथ सामी,  दिया अमी रस पाय । एक बूंद सागर में रळगी,  क्या करे रे यमराज ॥         ✽✽✽✽✽ ❤ यह भजन भी देखे   ❤ Aaram Ke Kya Kya Sathi Bhajan Lyrics Hari Bhajan Re Kaaj Banayo Mohan bhajan lyrics Aarti Ri Vela Padharo Ajmal Ra Bhajan Lyrics Ayo Babo Narsi Re Bhajan Lyrics Tharodo Sahybo Bata Bhajan Lyrics

महाराज देवरे रंग लागो .....   स्थाई : शुभ घड़ी ने वार आठम रो , आज पीरां रो दिन आछो । नम रा तो नेजा रोपिया , दशम रो जम्मो जागो , महाराज देवरे रंग लागो ।।   दूर देशां रा आवे जातरू , अब मेळो भरवा लागो । लीले घोड़े कर असवारी , आप धणी फिरवा लागो ।।   धिरत मिठाई चढे चूरमो , नारेळा रो ढिग लागो । सोहन छत्र चढे सिर ऊपर , रूपियाँ कळश भरवा लागो ।।   आंधियाँ ने बाबो देवे आँखियां , कोढियाँ कळंक झड़वा लागो । बांझियाँ ने बाबो पुत्र दिरावे , अब परचो पड़वा लागो ।। घणा दिनां री नींद बापजी , ऊंडी नींद सूता जागो । जाट रूपजी भजे राम ने , कर दरसण पायें लागो ।।               ✽✽✽✽✽ ❤ यह भजन भी देखे   ❤ Khelo Mota Chauk Me Mataji Bhajan Lyrics Mai To Purabiyo Purab Desh Bhajan Lyrics Yaad Kyu Na Aaegi Lyrics Jal Par Jahaj Khadi Bhajan Lyrics Gaay Charawa Jau Mhari Maa Bhajan Lyrics

दौड़ा जाए रे समय का घोड़ा .....   स्थाई : राम नाम तू रटले रे बन्दे , जीवन है ये थोड़ा । दौड़ा जाय रे समय का घोड़ा ॥   ना तेरा ना मेरा बाबू , इस घोड़े पर प्रभु का काबू । परमपिता ही इसे चलाता , दिखा - दिखाकर कोड़ा , दौड़ा जाय रे समय का घोड़ा ॥   पल - पल बीत रही जिन्दगानी , कल की चिन्ता कर ले प्राणी । ना जाने कब टूट पड़े , माथे पर काल हथौड़ा , दौड़ा जाए रे समय का घोड़ा ॥   दशों दिशाओं के दरवाजे , कहते रोज बुलाकर बाजे । बता के दुनियाँ वाले तूने , कितना पुण्य है जोड़ा , दौड़ा जाए रे समय का घोड़ा ॥   चल भाई करले प्रभु की भक्ति , भक्ति में है अद्भुत शक्ति । इस भक्ति ने है करोड़ों , लोगों का पथ मोड़ा , दौड़ा जाए रे समय का घोड़ा ॥                  ✽✽✽✽✽ ❤ यह भजन भी देखे   ❤ Meri Naiya Me Sitaram Bhajan Lyrics Likh Diya Vidhata Lekh Bhajan Lyrics C...