BhajanLyrics4You

छोड़ ने मत जावो राजा भरतरी.....  स्थाई:- अरे कंवारी होती तो पीपळ पूजती,  लागो हथलेवा रो पाप।  छोड़े ने मत जावो राजा भरतरी,  म्हारी जोड़ी रा सिरदार।  छोड़े ने मत जावो राजा भरतरी।। कदेहि ना फेरियो मैं तो पीसणो,  धरती धारियों ना पाँव।  छोड़े ने मत जावो राजा भरतरी,  म्हारी जोड़ी रा भरतार ।  छोड़े ने मत जावो राजा भरतरी।। राजा थे तो जोगी ने मैं थांरी जोगणी,  घर-घर मोंगोला भीख।  छोड़े ने मत जावो राजा भरतरी,  म्हारी जोड़ी रा सिरदार।  छोड़े ने मत जावो राजा भरतरी।। राजा राणी तो रोवे रे बादल महलां में,  क्यूं करो म्हां पे अन्याव।  छोड़े ने मित जावो राजा भरतरी,  म्हारी जोड़ी रा सिरदार।  छोड़े ने मत जावो बालि वेश में।। राणी रे पिंगला ने वाळी वीणती,  जग जग चरणां रे माँय।  छोड़े ने मत जावो राजा भरतरी,  म्हारी जोड़ी रा सिरदार।  छोड़े ने मित जावो राजा भरतरी,  छोड़े ने मत जावो बालि वेश में। छोड़े ने मत जावो राजा भरतरी,  छोड़े ने मत जावो राजा भरतरी ।। ...

चालो गुरासां रे देश में म्हारी हेली....  स्थाई:-  चालो गुरासां रे देश में म्हारी हेली, चरण कमल चित धार।। उलझ रही फंद रास में म्हारी हेली, लागे कर्मा रा जाळ।  नाम बिना छूटे नहीं म्हारी हेली, राखो भजन री सार।। काय कागज़ की पूतली म्हारी हेली, छांट लगे गळ जाय।  पवन डोरा में पोय ले म्हारी हेली, दिन दो नाच नचाय।। अधर मेहलां में खेलणों म्हारी हेली, अड़ा रे उड़द रे बीच।  पियो प्याला निज नाम का म्हारी हेली, कट जाए कर्मा का कीच।। अमर बींद को चुड़लो म्हारी हेली, पहरे सुहागण नार।  सतगुरु री दासी बण जाऊँ म्हारी हेली, कर दे भव सिन्धु पार।। धिन सुखराम गुरु भेटिया म्हारी हेली, दीनी तोय समझाय।  ईसरदास घट खोजिया म्हारी हेली, लिया आप में थाय।।                                  ✽✽✽✽✽       यह भजन भी देखे  Nar Narayan Ri नर नारायण री देह बणाई Sinvaru Mai Din Raat सिंवरूँ मैं दिन रात, अम्बे आज Pipa...

शरणो सद्गुरां रो साँचो ए.....  दोहा:- सतगुरु तुमसे वीनती, नाम देवो बख्शीश।  साँचो सतगुरु जाँच के नवला, धरियो चरण में शीश।। स्थाई:-  शरणो सद्गुरां रो साँचो ए।  दर्द मिटायो इण जीव रो, दीनो जीवत पाछो ए। । गुरु जामण इण जीव रा, भव सागर तारिया।  जम से झगड़ा जीत ने, सुख सागर रा लाया।। शिष्य पथरी गुरु आग है, भव सागर रा लाया।  साधु जन चकमक हो रया, लागो सेजां मेला।। आठ प्रहर गुरुदेवजी, हिरदा माँय वासो।  गिगन धुरे भी जावसी, सुन मय प्रकाशो।। चार वेद पहुँचे नहीं, ऐसो गुरु प्रकाशो।  जुग सपना री साहिबी, गावे नवलो दासो।।                          ✽✽✽✽✽    यह भजन भी देखे  Bhagat Ke Vash Me Hai Bhagwan भगत के वश में है भगवान Maharaj Gajanand Aawo महाराज गजानंद आवो Vaari O Gurudev Aapne Balihari वारि ओ गुरुदेव आप ने बलिहारी Agadbamb Mahadev Lehari अगड़बम महादेव लहरी Ghode To Aayo Mhare Nir गोडे तो आयो म्हारे नीर ...

उड़ता पंखेरू विवाह मांडियो....  स्थाई:- झरमर जाळो रे माँय,  उड़ता पंखेरू विवाह मोंडियो।  भाई म्हारा पीसा ने परणाव, कंवरियो भाभोसा रे लाडलो।। लाली तो रोंधी रे लसपस लापसी, ऊपर घाले है घी।  रज ने जीमो म्हारा जोनियों, चिड़िया परुसे है दाल।। उड़ता पंखेरू विवाह मोंडियो ।। हिमाले जाये ने तोरण वोंदियो, लोकी उतारे है लूण।  दिल्ली रे  जाये ने तोरण वोंदियो, देखो पीसा रा सिणगार।। उड़ता पंखेरू विवाह मोंडियो ।। उन्दरो जाय ने मौसा बोलिया, डूंगर खोंसी है तलवार।  जाये ने मौका रो माथो वाडियो, हुआ है खूनो रा खेंगार।। उड़ता पंखेरू विवाह मोंडियो ।। महलो सूं मीनी बाई नीचा ऊतरे, माथे लाडूड़ों री छाव।  सोमी रे धकियों रे गरजी कूतरो, भोंगियो मीनी रो मरोड़।। उड़ता पंखेरू विवाह मोंडियो ।। सरगां सूं सवली बाई उतरया, लारे कुरजां रो डार।  मुथा रे त्रिलोकचंद री वीणती, सुणजो चित लगाय।।                             ✫✫✫✫✫   यह भजन भी देखे...

मैं तो आयो शरण तिहारी ( धुन: भगती रा मारग झीणा ) स्थाई:-  मैं तो आयो शरण तिहारी मावड़ी सुण ले अरजी म्हारी।  सुण ले अरजी म्हारी भवानी, फेरूं माला थांरी।।   प्यारो लांगे मिन्दर थांरो, मूरत मनड़े भावे।  थांरा दरसण कर ने म्हारा, नैण घणा सुख पावे।। शक्ति रूपा जगदम्बा रो, जोगणियाँ जस गावे।  काळा गोरा भेरू थांरे, नित रा चंवर ढुलावे।। नवदुर्गा जगदम्बा थांने, ध्यावे दुनियाँ सारी।  नवरातां में नौ दिन मैया, सिंवरे नर और नारी।। ऊँचो थारो देवल मैया, भीड़ पड़े भगतां री।  दीन दुखी रा कष्ट मिटावे, जगदम्बा उपकारी।। भगत आप रे आंगण आया, बाटां जोवे थांरी।  एकर दरस दिखावो अम्बा, आवो सिंह सवारी।। दास अशोक सुणावे मैया, सुण लो अरजी म्हारी।  नैया म्हारी पार लगावो, भवसागर है भारी।।                 ✽✽✽✽✽       यह भजन भी देखे  Mhara Bhanwara Re म्हारा भंवरा रे Fakiri Chalno Khanda Ri Dhaar फकीरी चालणो खाण्डा री धार Samajh Manh Mera...

हालो रे दिवाना यहाँ क्यूँ ( धुन:- गुरु बिन घोर अंधेरा  ) दोहा:- डोरी टूटी असमान से, कोई नहीं सकता झेल।  साधु संतो ने शूरमां, नर अणियाँ ऊपर खेल।। स्थाई:-   हालो रे दिवाना यहाँ क्यूँ बैठा,  आगे तो मौज मजा की है। साँचा गुरूजी रा साँचा रे चेला,  झूठा ने माया खा गई हो जी। ।   सतगुरु दाता सेण बताई, म्हारी सुरता सुन्दरी जागी है।  अणघड़ फेरा फिरवा ओ लागी, वां ने पिछम दिशा ले भागी है ओ जी। । लेयर पिया ने सूती सेज में, करवट लेकर जागी है।  ओहम सोहम दोई ढोल बजावे,  अरे सूरज उघण ने लागी है ओ जी। । अष्ट द्वादश जाकर देख्या, अबे झिलमिल ज्योति जागी है।  त्रिवेणी री घाटी लांघता,  सोहन शिखर गढ़ आ गई है ओ जी। । शंकर सामी सेण बताई, असंख जुगां से आगी है।  रामो रे दुर्बल गुरूजी रे शरणे,  म्हारी सूती रे नगरी जागी है ओ जी। ।               ✪✪✪✪✪     यह भजन भी देखे  O Meera Bhabhiji ओ मीरा भाभीजी Chanani Bhadav Ri Re Bij च...

 सतगुरु री ओलु आवे रे स्थाई  :  सत्गुरूसा री ओलु आवे रे , म्हारो रोम रोम गरणावे रे।   रोम रोम गरणावे रे म्हारो , हिवड़ो हिलोरा खावे रे।। रात दिवस म्हाने नींद नी   आवे ,  अन पानी म्हने कछु नहीं भावे।   म्हारे नैना नीर भर आवे रे , म्हारा गुरु बिन रयो नहीं जावे रे।। पल पल छिन छिन याद सतावे ,  एडा एडा बादल घटा चढ़आवे।   म्हारी सुरता शोर मचावे रे ,  म्हारो बालक जीव घबरावे रे।।   चढ़ी खुमारी म्हारे प्रेम री , गुरु बिन रयो नहीं जावे रे।   किस्मत री काई-काई गावे रे , म्हारा गुरूसा फिर नहीं आवे रे।।    जहाज पड़ी दरियाव बीच में , अध बिच गोता खावे रे।   सतगुरु खेवट बण आवे रे , म्हारी नैया पार लगावे रे।।     गौड़ भागीरथ भजन बणावे , कुशल रतन थारो गुण गावे।   ओ तो भजन मोइनुदीन गावे रे , गुरु चरणा में शीश निवावे रे।।                   ✽✽✽✽✽ यह भजन भी देखे  Shiv Bhola Gajab Ka शिव भोला, गजब का है Beta Shravan Panido Pilay बेटा श्रवण पाणीड़ो पिलाय ...