BhajanLyrics4You

सजन म्हारा घर आवो.... स्थाई: सजन म्हारा घर आवो मेहमान। दीजो मोहे आदर दान,  पियाजी घर आवो मेहमान ॥ मैं जाण्यो सुख होवसी रे,  प्रीत करी मैं जाण । अब मुझको मालूम पड़ी रे,  निकली दुख री खाण, पियाजी घर आवो मेहमान ॥ पंख बिना पंखेरू पड़िया धरण पर,  किस विधि उड़े असमान । सजन मेहर लहर कर देवो,  आण मिलूं आसान, पियाजी घर आवो मेहमान ॥ मछली जीव पपीहा प्यासा,  जळ बिन तज दे प्राण । पतिवरता राजी उर अन्दर,  जद मिलसी पीव निदान, पियाजी घर आवो मेहमान ॥ आप समुद्र मैं तरंग तुम्हारी,  मैं गोपी तू कान्ह । आप ब्रह्म मैं इच्छा तुम्हारी,  अब लीजो मोहि जाण, पियाजी घर आवो मेहमान ॥ विरह सुणो थे बेगा आइजो,  कर मुझ पर अहसान । सिमरथ कण्ठ लगाय के रे,  कीजो आप समान, पियाजी घर आवो मेहमान ॥             ✽✽✽✽✽ यह भजन भी देखे  Bata Mete Yaar Sudama Re Bhajan Lyrics Jugh Maahi Guru Samaan Nahi Bhajan Lyrics Mehandi Rachi Haatha Me Bhajan Lyrics Rani Dawa Haath Me Bhajan Lyrics Darshan Deta Jaijo Bhajan Lyrics

म्हारो हिरदो सूनो राम बिना.... स्थाई: चुग चुग फुलड़ा लावे सखि म्हारे,  सेज बिछावे रे । कृष्ण बिना म्हारे काँटा लागे,  नींद नहीं आवे रे । म्हारो हिरदो सूनो राम बिना म्हने,  चैन नहीं आवे रे । चैन नहीं आवे रे राम बिना,  चैन नहीं आवे रे । म्हारो हिरदो सूनो राम बिना,  म्हने चैन नहीं आवे रे ॥ रुच रुच भोजन परोसिया सखि म्हने,  कोंहि जिमावे रे । कृष्ण बिना म्हने लागे अलूणा,  धान नहीं भावे रे ॥ क्या कहूँ सखि कयो नी जावे,  विरह सतावे रे । ऐसा मिले कोई संत उपदेशी,  राम मिळावे रे ॥ हीरापुरी गुरु सामरथ मिळिया,  वे समझावे रे । निर्भयपुरी सतगुरु जी रे शरणे,  मोक्ष पावे रे ॥         ✽✽✽✽✽ यह भजन भी देखे  Deshadlo Rang Rudo Bhajan Lyrics Mhaane Pyara Ghana Lage Hai Bhajan Lyrics Bhajan Me Jawa koni De Lyrics Sanwara Thaari Maya Ro Payo Koni Par Bhajan Lyrics Hoi Javo Santh Sudharo Thari Kaya Bhajan Lyrics

पाला-पाला चालो बाबो भली .... स्थाई:   पाला-पाला चालो बाबो भली  करेला । राम रूणीचा वाळो बाबो भली करेला ॥ चाहे माथे तपे तावड़ो, मत इण सूंघबरावो जी | जय बाबे री जय बाबेरी, गाता गाता आवो जी। दूर थकेलो थांरो रामो धणी करेला ॥ नाथ द्वारका वाळो बाबो, अजमल घर अवतारी है। इण कळजुग में रामदेवरी, लीला सब सूं न्यारी है। किरपा भगतां माथे बाबो घणी करेला ॥ हिन्दू मुस्लिम भाई-भाई,  सगळा हिलमिल चालो जी । जात-पात रो भेद मिटायो, मेणा दे रो लालो जी । दर्शण करियाँ मन रे बाग में कळी खिलेला ॥ ढोल नगाड़ा शंख बजावो, बाबा रा गुण गावो जी | घिरत चूरमा और मिठाई, मीठा भोग चढ़ावो जी । भर देसी भण्डार कदे ना कमी करेला ॥ रामदेव री महिमा कोई, दास अशोक सुणावे जी । भादरवे री बीज देवरे, चरणां शीश नमावे जी । हाथ शीश पर म्हारे रामो धणी धरेला ॥                      ✽✽✽✽✽ यह भजन भी देखे  Dedariya Taj De Chilariye Ri Asha Bhajan Lyrics Tera Raamji Karenge Beda Paar Bhajan Lyrics Dheladi Marag Me kyu Byaahi Bhajan Lyrics Sun Maharai Surt...

हरि भजन रे काज बणायो, मोहन... स्थाई: पाँच तत्त्व और तीन गुणां से,  रचियो मन्दिरियो । रचियो मन्दिर बैठो अंदर,  श्याम सुन्दरियो । हरि भजवा रे काज बणायो,  मोहन मन्दिरियो । राम भजन रे काज बणायो,  ओ तन देवळियो ॥ नव दरवाजा खुला पड़ा है,  दशमों बंद रयो । दशवां में बल्ब लगाकर देखो,  आणंद कंद रयो ॥ बिना जोत प्रकाश बिना,  सूरज चंद रयो । प्रकट देव दरशे नहीं रे,  यूं जग अंध रयो ॥ राम नाम से वे मुक्त प्राणी,  मोह में फंद रयो । भवानीनाथ सतगुरुजी शरणे,  चरणे चित्त धर्यो ॥            ✽✽✽✽✽ ❤ यह भजन भी देखे   ❤ Kaya Kothadi Me Rang Laago Bhajan Lyrics Mhari Hundi Swikaro Maharaj Bhajan Lyrics Aa Gadoli To Amrapur Bhajan Lyrics Haath Jod Ne Araj Karu Bhajan Lyrics Satjugo Ra Beta Shrawan Eda To Hua Bhajan Lyrics

जोगीड़े ने जादू कीनो रे.... दोहा: के तो आ जा सांवरा,  नहीं तो लिख भेज संदेश। नैणां में आँसू पड़े,  ज्यूं सावण बरसे मेस ॥ स्थाई: जोगीड़े ने जादू कीनो रे,  म्हारो तन मन बांधे लीनो रे ।। अन पाणी म्हने कछु ना भावे,  पल-पल छिन छिन याद सतावे | दुनियाँ तो लागे म्हाने खारी रे,  म्हारो हिरदो प्रेम सूं भीनो रे ॥ विरह री अग्नि तन बिच लागी,  भेदभाव री भरमना भागी। म्हारे चढगी प्रेम खुमारी रे,  म्हें तो प्यालो प्रेम को पीनो रे । रैण-दिवस म्हाने नींद नी आवे,  घायल मृग ज्यूं विरह सतावे | म्हारे शबद कटारी मारी रे,  म्हारो पींजर घायल कीनो रे ।। मोर मुकुट अर गल बिच माळा,  म्हाने तो मिळ गया नंदजी रा लाला । बाई सुआ ने तारी रे,  ज्यां रो जनम सफल कर दीनो रे ॥                   ✽✽✽✽✽ ❤ यह भजन भी देखे   ❤ Rus Gayo Nandlaal Haar Gaya Bhajan Lyrics Dhin Mata Dhin Dharti Bhajan Lyrics Lelo Ji Ramji Ro Naam Bhajan Lyrics Kanchan Wali Kaya Bhajan Lyrics Me To Sabh Dewa Ne Chod Ramsa ...

जुग में कायम कुण नर रहता... स्थाई: आय मानखे सोय रयो रे,  गहरी-गहरी निद्रा लेता । ओ जुग भव अळप सब माया,  चेतन क्यों नहीं होता, जुग में कायम कुण नर रहता ॥ चेत चेत म्हारा मन रे दीवाना,  पीछे फेरा क्यों नी देता, जुग में कायम कुण नर रहता ॥ सूतां-सूतां थांरी आयु घटत है,  ऊमर ओछी होता । पल-पल में काळिंगो कोपे,  ऊपर घेरा देता ॥ बड़ा-बड़ा बलवन्ती जोधा,  मूछां रे वट देता । भांग दी भुजा तोड़ दिया माथा,  कायम काट दिया खाता ॥ थारी म्हारी में खलक सब खपियो,  खोज खबर नहीं पाता। भजन करो गुरुदेव रारे,  भरम करम मिट जाता ॥ अखे नाम किरतार रो रहसी,  उण मालिकरी सत्ता । खोज कर ले देख ले प्राणी,  देह झारी गळ जाता ॥ कहे राजाराम सुणो मेरे बंधव,  जाग्या सो नर जीता। जाग्या नर परम पद पाया,  मूरख रह ग्या रीता ॥            ✽✽✽✽✽ ❤ यह भजन भी देखे   ❤ Raam Mere Ghar Aana Bhajan Lyrics Kanji Para Utho Ankho Maathe Bhajan Lyrics Dholi Dholi Re Dhwaja Bhajan Lyrics Vino Vaaje Sanwariya Thaare Naam ...