BhajanLyrics4You

रूणझुण बाजे घुंघरा.... दोहा: रूणझुण बाजे घुंघरा,  लीले रा असवार। दुखियाँ ने सुखिया करो,  महिमा अपरम्पार ॥ स्थाई: रूणझुण बाजे घुंघरा,  घोड़े रा बाजे पोड़ जी । लीले री असवारी आवे,  आवे रामापीर जी, जियो जियो ॥ अरज करूँ अजमाल रा,  साधां तणी पुकार जी । राम सरोवर आपरो रे,  अलख तणो उपकार जी, जियो जियो ॥ कोई दूर देशां रा जातरूं,  थारो मेळो भरे भरपूर जी । दुखियाँ ने सुखिया करो रामा,  मुख पर बरसे नूर जी, जियो जियो ॥ कोई पिछम धरा रे मारगां,  एक अलबेलो असवार जी । लीलो हीसे धरती धूजे,  लुळ लुळ करे जवार जी, जियो जियो ॥ कोई हरजी भाटी री वीणति,  बाबा थे म्हारा माँयर बापजी । नुगरां ने सुगरा करो रामा,  घट में बरसे नूर जी, जियो जियो ॥                 ✽✽✽✽✽ यह भजन भी देखे  Bheruji Nana Nana Thare Baje Ghunghara Bhajan Lyrics Tharodo Sahybo Bata Bhajan Lyrics Kamar Kasi Talwar Dhaadwi Bhajan Lyrics Beta Shravan Panido Pilay Bhajan Lyrics Sharne Ayo Ri Devi Laaj Rakhjo Mataj...

सुरता ने ले नी जगाय, पिंजर पड़..... स्थाई: सुरता ने ले नी जगाय,  पिंजर पड़ जासी । मनवा ने ले नी जगाय,  पिंजर पड़ जासी । भज ले नी भगवान,  वासना रह जासी ॥ नहीं करणो डूंगरियों रो स्नेह,  बरसतां बह जासी । आवे उनाळा री वाट,  खाली हो जासी ॥ सदा करो सागरियों रो स्नेह,  भरिया रह जासी । उपजे आनन्द अपार,  लहरां लग जासी ॥ नहीं करणी परदेशी रीप्रीत,  वे तो नट जासी । ऊठ चले अध रात, धोखो दे जासी ॥ नहीं करणा मान गुमान,  काया है काची । संत केवे राजाराम,  माटी में मिळ जासी ॥         ✽✽✽✽✽ यह भजन भी देखे  Dharti Mata Ro Bhajan Lyrics Kanudo Nachawe Thodi Naach Le Bhajan Lyrics Shani Dev Katha Agadbamb Mahadev Lehari Bhajan Lyrics Vari Jau Re Balihari Jau Re Bhajan Lyrics

भोळा शंकर ने ध्यावे.... स्थाई: भोळा शंकर ने ध्यावे,  भगत थांरा दर्शण ने आवे । हर हर बम-बम, जय शिव शंकर,  गाता गाता आवे ॥ आडावल री धरती प्यारी,  शोभा जग सूं न्यारी है। उण्डी गुफा रे माँय विराजे,  परशुराम अवतारी है। ऊँचे भाखर बण्यो देवरो,  भगतां रे मन भावे ॥ मोर पपइया मीठा बोले,  हरियाली मन भावे है। भगतां रा टोळा शंकर रा ए,  मीठा हरजस गावे है। झांझ मंजीरा नौपत नित रा,  परशुराम रे बाजे ॥ सावण महिने मेळो लागे,  आवे दुनियाँ सारी है। सोमवार ने निज मिन्दर में,  भीड़ पड़े भगतां री है । भांग धतूरो शिव शंकर रे,  मिन्दर भोग चढ़ावे ॥ साँचे मन सूं जो भी कोई,  परशुराम ने ध्यावे है। पाप कटे है इण जीवन रा,  मनचाया फळ पावे है। भोळो शंकर निज भगतां ने,  भव सूं पार उतारे ॥ परशुराम री महिमा कोई,  दास अशोक सुणावे है। सावण महिने आडावल में,  शिव रा दर्शण पावे है ॥           ✽✽✽✽✽

भजन कर ले, सुमरण कर ले.... दोहा: राम नाम भज्यो नहीं,  कियो न हरि से हेत । वो नर ऐसे जाएगा,  ज्यूं मूळी का खेत ॥ स्थाई: भजन कर ले, सुमरण कर ले । चामड़ा री पूतळी, रामैयो रट ले ॥ चामड़ा री पूतली ने, चावे बीड़ा पान । आछा-आछा कपड़ा पेहरे, करे है अभिमान ॥ चामड़ा रा वाछोड़िया ने, चामड़ा री गाय । चामड़ा री दोवण वाळी, चामड़ा ने दोय ॥ चामड़ा रा हस्ती घोड़ा, चामड़ा रा ऊंट । चामड़ा रा बाजा बाजे, बाजे चारूं खूंट ॥ चामड़ा रा राजा प्रजा, चामड़ा वजीर । चामड़ा री सारी दुनियाँ, कह गया कबीर ॥                      ✽✽✽✽✽ यह भजन भी देखे  Kabhi Pyase Ko Pani Pilaya Nahi Bhajan Lyrics Meh Thane Sinvaru Gajanand Deva Bhajan Lyrics Paav Me Ghungharu Bandh Ke Naache Bhajan Lyrics Gori Ke Nanda Gajanand Bhajan Lyrics Bhilani Rangili Bhajan Lyrics