BhajanLyrics4You

म्हारा परशुराम महादेव..... स्थाई: ओ म्हारा परशुराम महादेव, थांने घणी खम्मा । म्हारा ऊँचा पर्वत वासी थांने घणी खम्मा ॥ डूंगर चढ़ता चढ़ता बोलो,  हर हर हर महादेव जी । उमड़ घुमड़ कर आवे रे वादळिया,  बूंदा मेह बरसावे रे । झरमर झरना थारे आँगणे,  मीठा गीत सुणावे है। सावण में उमज्यो है बाबो,  जश थारे नाम गावणा ॥ अंग भभूती गळे रूण्डमाळा,  ओ थांरो रूप सुहावणो । चन्द्रकला ज्यू चमके भुजंगी,  बहती ठंडी गंग धार ओ । त्रिलोचन दातार थांरो,  डमरू बाजे है सारे देश में ॥ डूंगर उड़े हरी चुनरिया, चमके चांदनी रात में । रंग बिरंगा फूल खिले है,  मीठा गीत सुणावे है। पग-पग धरतां बोलां बाबा,  थांरी जय जयकार जी ॥         ✽✽✽✽✽ ❤ यह भजन भी देखे   ❤ Man Lago Mero Yaar Fakiri Mein Bhajan Lyrics Das Gayo Kalo Beri Bhajan Lyrics Ganesh Ji Aarti Lyrics Pala Pala Chalo Babo Bhali Karela Bhajan Lyrics Khelo Mota Chauk Me Mataji Bhajan Lyrics

राज रे नहीं पोपों बाई रो.. स्थाई: थारे लेखो रे लेवेला राई राई रो,  हाँ रे राज रे कोनी पोपों बाई रो । थारे लेखो रे लेवेला राई राई रो,  हाँरे राज रे नहीं पोपों बाई रो ॥ नवदश मास गर्भ में राखियो,  नोंव नहीं लियो रघुराई रो। थारे लेखो रे लेवेला राई राई रो,  हां रे राज रे कोनी पोपों बाई रो ॥ कूड़ रे कपट कर माया जोड़ी,  दोन नहीं दियो एक पाई रो । थारो लेखो रे लेवेला राई राई रो,  हाँरे राज रे कोनी पोपों बाई रो ॥ मात पिता रे थारे कुटुम कबीलो,  जोर नहीं लागे सगा भाई रो । थारे लेखो रे लेवेला राई राई रो,  हाँरे राजरे कीनी पोपों बाई रो ॥ तुलसी रे दास भगती री रे महिमा,  जोर नहीं लागे रे जमराई रो । थारे लेखो रे लेवेला राई राई रो,  आगे राज रे नहीं पोपों बाई रो ॥               ✽✽✽✽✽ ❤ यह भजन भी देखे   ❤ Guru Ne Mangai Chela Vahi Bhajan Lyrics Rang Lago Ji Mhane Kodh Lago Bhajan Lyrics Fakiri Manh Mare So Hi Sur Bhajan Lyrics Van Chale Raam Raghurai Bhajan Lyrics Nindiya Kare Re Jyane Bhajan ...

थारां सूं मनड़ो लागो रे.... दोहा : कृष्णा थे मत जाणजो,  थां बिछड्या मोहे चैन । जैसे जळ बिन माछली,  प्रभु तड़फ रही दिन रैन ॥ स्थाई: पौ फाटी पगड़ो भयो, कानूड़ा लाल,  गवाळिया उचेरी वन में गाय । जियो- जियो रे लाल,  गवाळिया उचेरी वन में गाय ॥ दही रो भरियो वाटको कानूड़ा लाल,  गुजरियाँ उपराड़े झाला देय । जियो जियो रे लाल, गुजरियाँ उपराड़े झाला देय ॥ गोकुळ का भोळा कान्ह रे,  मथुरा रा भोळा कान्ह । थारां सूं मनड़ो लागो रे, गोकुळ रा भोळा कान्ह ॥ पौ फाटी पगड़ो भयो कानूड़ा लाल,  मालणियाँ जावे रे बागां माँय। जियो-जियो रे लाल,  मालणियाँ जावे रे बागां माँय । पौ फाटी पगड़ो भयो कानूड़ा लाल,  लावे-लावे हंजारी रा फूल । जियो-जियो रे लाल,  लावे-लावे हंजारी रा फूल ॥ रेशम केरो पालणो कानूड़ा लाल,  गूजरियाँ झूलावे झूले श्याम ॥ जियो जियो रे लाल,  गुजरियाँ झूलावे झूले श्याम ॥ पगां बजावे गूंगरा कानूड़ा लाल,  गूजरियाँ नचावे नाचे श्याम । जियो- जियो रे लाल,  गूजरियाँ नचावे नाचे श्याम ॥ चन्द्रसखि री वीणती कानूड़ा लाल,  साधुड़ाँ रो अमरापु...

मनवा भूल गयो ईश्वर ने.... स्थाई: मनवा भूल गयो ईश्वर ने,  अब तेरो कौन संगाती रे ॥ नर तू भूल्यो उस मालिक ने, कर कर चाली रे । पाप की पोट धरी सिर ऊपर, वजन लखासी रे ॥ इतना पाप कर्या नर हद से, क्या फळ पासी रे । ईश्वर आगे क्या तलासी, लेखो चाहिसी रे ॥ इस देही का गर्व ना करना, एक दिन जासी रे । करना हो सो कर ले बन्दा, फिर पछतासी रे ॥ सुखीराम जी नित उठ गावे, भजो बृज वासी रे । वो ही प्रभुजी पार उतारे, हरि अविनाशी रे ॥                      ✽✽✽✽✽ ❤ यह भजन भी देखे   ❤ Mujhe Meri Masti Kaha Leke Aai Lyrics Lok Laaj Dinhi Khoy Fakiri Bhajan Lyrics Sant kheteshwar Ji Ki Aarti Lyrics Hirda Me Rewo Mavadi Mataji Bhajan Lyrics Gaiye Ganpati Jag Vandan Bhajan Lyrics

आरती री वेळा पधारो अजमाल रा.... स्थाई: आरती री वेळा पधारो अजमाल रा, दर्शण री बलिहारी, बाबो निकळंक नेजाधारी ॥ लीला धोळा घोड़ा कंवर रे, वाल बड़ी सिणगारी । लीले घोड़े कियो हरणाटो, आप चढ़ो असवारी ॥ नगर नाराणे रणसी पधारिया,  खिंव रक आँगण वाणी। निम्बे पानां रा करोत जोड़िया,  दूधां री नदियाँ हिलोणी ॥ कच्छ भुज से जैसल तोरल पधारिया,  सादां में मणिधारी। हेत-प्रीत से मोती निपजे,  वा तोळा दे कठियारी ॥ मेवे नगर रावलमाळ पधरिया,  धारू रिक अगवाणी। राणी रूपां दे करे आरती,  भर फूलां गज थाळी ॥ नित-नित रिजक बँटे देवरे,  रवि ऊगे प्रभाती। बुध-रिक बैठो भजन में बोले,  राखो लाज हमारी ॥       ✽✽✽✽✽ ❤ यह भजन भी देखे   ❤ Tharodo Sahybo Bata Bhajan Lyrics Shree Raam Janaki Bethe Hai Bhajan Lyrics Shiv Shankar Ko Jisne Pooja Bhajan Lyrics Ganpati Aaj Padharo Bhajan Lyrics Fakiri Chalno Khanda Ri Dhaar Bhajan Lyrics

दो दिन का जग में मेला..... स्थाई: दो दिन का जग में मेला,  सब चला चली का खेला रे ॥ कोई चला गया कोई जावे,  कोई गठड़ी बाँध सिधावे । कोई खड़ा तैयार अकेला,  सब चला चली का खेला रे ॥ कर पाप कपट छल माया,  धन लाख करोड़ कमाया । संग चले ना एक अधेला,  सब चला चली का खेला रे ॥ नारी मात पिता सुत भाई,  कोई अंत सहायक नाँहि । क्यों भरे पाप का ठेला रे,  सब चला चली का खेला रे ॥ यह नाशवान संसारा,  कर भजन हरि का प्यारा । ब्रह्मानन्द कहे सुन चेला,  सब चला चली का खेला रे ॥             ✽✽✽✽✽ ❤ यह भजन भी देखे   ❤ Kamar Kasi Talwar Dhaadwi Bhajan Lyrics Uncho Hai Bhawan Tharo Mataji Bhajan Lyrics Beta Thari Maa Samjhawe Re Bhajan Lyrics Shree Hanuman Chalisa Lyrics Beta Shravan Panido Pilay Bhajan Lyrics

पियाजी, लागा है शब्दों रा बाण.... स्थाई: सतगुरु मिळे सुजाण पियाजी,  लागा है शब्दों रा बाण ॥ प्रीत कीवी पिया आपसे,  वरजे लोग अजाण । कहो पिया मैं कैसे सहूँ रे,  प्रीत तजूँ के प्राण पियाजी, लागा है शब्दों रा बाण ॥ कद परणी पिव पावसी,  कद प्रगटे मोहि भाण। घड़ी घड़ी मैं लेऊँ रे वारणा,  तन मन करूँ कुरबान पियाजी, लागा है शब्दों रा बाण ॥ मैं अबला कछु नहीं जाणूं,  थे हो चतुर सुजान। अन्दर तीर इश्क रा लागा,  केड़ा करूँ बखाण पियाजी, लागा है शब्दों रा बाण ॥ अरश परश होई दरश दिखा दो,  मेटो खेंचाताण। सिमरथ दासी आपरी रे,  अब लेवो मोहि जाण पियाजी, लागा है शब्दों रा बाण ॥         ✽✽✽✽✽ ❤ यह भजन भी देखे   ❤ Bhagat Ke Vash Me Hai Bhagwan Bhajan Lyrics Runjhun Baje Ghungara Ramdevji Bhajan Lyrics kelasho Re Mae Re Bhajan Lyrics Dharti Mata Ro Bhajan Lyrics Kanudo Nachawe Thodi Naach Le Bhajan Lyrics