सीधे मुख्य सामग्री पर जाएं

Inh Jogida Ne Math Kaho Nyaro Bhajan Lyrics इण जोगीड़ा ने मत कहो न्यारो

इण जोगीड़ा ने मत कहो न्यारो.....


स्थाई: मत कहो न्यारो-न्यारो ,
इण जोगीड़ा ने ।
मत कहो न्यारो-न्यारो, हो जी ॥

न्यारो कहो तो मिळसी नहीं रे, 
जोगी आधार तिहारो।
उण जोगी बिना कछु नहीं रे, 
जोगी जगत उजियारो ॥

जोगी कुंआरो जोगण कुंआरी, 
कभी ना करत व्यभिचारो ।
भेळा रहे और भिड़ता नहीं, 
जोगी बड़ो छन्दगारो ॥

जो जोगी ने देखे ना जोगण, 
चैन न पावे लिगारो ।
एक पलक भर बिसरे नाँहि, 
दोनों में प्रेम अपारो ॥

जोगण जोगी में प्रेम अखण्डित, 
कबहुँ न टूटे तारो ।
जो यह प्रेम खण्डित होय जावे तो, 
खेल बिखर जावे सारो ॥

जो जोगी ने देखणो चावे, 
मन योग चित्त धारो ।
योग जुड्यां बिना जोगी न मिळसी,
मिटसी न भरम अंधारो ॥

देवनाथ गुरु योगी ने रे, 
पकड्यो हाथ हमारो ।
मानसिंह जद जोगी ने मिळ ग्यो, 
जोगी रूप जग सारो ॥
        ✽✽✽✽✽

❤ यह भजन भी देखे ❤

Aaj Ro Diwas Meh to Jau Bhajan Lyrics

Jagh Mei Sundar Hei Do Naam Bhajan Lyrics

Dheladi Marag Me kyu Byaahi Bhajan Lyrics

Awo Mhara Natwar Nagariya Bhajan Lyrics

Karigar Mat Naa Bhatke Bhajan Lyrics
लेबल:

टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

Baras Baras Mhara Indra Raja Bhajan बरस बरस म्हारा इंद्र राजा

।।   बरस बरस म्हारा इंद्र राजा ।। बरस बरस म्हारा इंद्र राजा तेजाजी का मेला में , बरस बरस म्हारा इंद्र राजा तेजाजी का मेला में , जाटा जी बुलावे राजा देव रे ओलमा , पलका बिछाई थारा दहेला में , बरस बरस म्हारा इंद्र राजा तेजाजी का मेला में , गुर्जरजी बुलावे राजा देव रे   ओलमा , फुलड़ा लाइजे भर थेला में , बरस बरस म्हारा इंद्र राजा तेजाजी का मेला में , मीणाजी बुलावे राजा देव रे ओलमा , करो प्रकट धेन धेला में , बरस बरस म्हारा इंद्र राजा तेजाजी का मेला में , सोहन सिंह गावे प्रहलाद बनावे , भजन सुरीला कैसेट अल्फ़ा में , बरस बरस म्हारा इंद्र राजा तेजाजी का मेला में ,                        ✽✽✽✽✽ यह भजन भी देखे  ऊँचो भवानी थांरो देवरो Uncho Bhawani Tharo Dewaro Lok Laaj Dinhi Khoy Fakiri लोक लाज दीन्ही खोय फकीरी Ganesh Ji Aarti श्री गणेशजी की आरती काली कमली वाला मेरा यार है Kali Kamali Wala Mera Yaar Hai Guru Gyaani...
एक टिप्पणी भेजें
आगे पढ़े »

Mana Thari Umar Jawe Re Bhajan मना थारी उमर जावे रे

मना थारी उमर जावे रे.....  दोहा:- माया काया पांवणी, और कन्या घर होय।  राख्योड़ी रेवे नहीं, ए उठ चले पथ खोल।। स्थाई:-  मना थारी उमर जावे रे,    मना थारी उमर जावे रे।  आछा दिन थारा बीत गया, चोखा  दिन थारा बीत गया, दिन अबका आवे रे,  मना थारी उमर जावे रे। । मात-पिता सुण कामणी, माया भरमावे रे।  करी कमाई थारी खोस लेवेला, पीछे पछतावे रे। । मोह माया री नींद में, काँहि सुख भर सोवे रे।  रतन पदारथ मानखो, विरथा  काँहि खोवे रे। । माया विष री वेलड़ी, तांता पसरावे रे।  बाजीगर रा बांदरा ज्यूं, नाच नचावे।। ओ संसार मृग जल भरियो, हाथ नी आवे रे।  भटकत फिरे उजाड़ में, थारो जीव तरसावे रे। । सन्त बड़ा परमारथी, सुण ज्ञान बतावे रे।  सीधे रस्ते चालणो, सिमरथ समझावे रे। ।                         ✽✽✽✽✽    यह भजन भी देखे  Udata Pankheru Vivah Mandiyo उड़ता पंखेरू विवाह मांडियो Sambhalo Ni Sayal Ramdevji साम्भलो...
एक टिप्पणी भेजें
आगे पढ़े »

Hirani Ubhi Araj Kare Bhajan हिरणी उभी अरज करे

हिरणी उभी अरज करे ( धुन:- दलाली हीरा लालन की  ) स्थाई:- ओ म्हारे पियाजी रा प्राण बचाय,  हिरणी हरी ने अरज करे।  ओ म्हारे समदर में डूबी जावे जहाज,  हिरणी उभी अरज करे।। बाबरिया ने बाबर बांधी,  चौसठ बंध लगाय।  हिरण्यां कूद जंगल में ठाड़ी,  मिरगा रो फँस गयो पाँव।। हिरणी उभी अरज करे।। कहे मिरगलो सुण ए मिरगली,  तू गाफल मत होय।  तू तो कूद जंगल में रळ जा,  हरी करे सोई होय।। हिरणी उभी अरज करे।। तीन पाँव पर खड़ी मिरगली,  हरी सूं हेत लगाय।  हरी रो तो सिंहासन डोल्यो,  बावरिया ने विष खाय।। हिरणी उभी अरज करे।। टूटी डोर बंध हुआ ढीला,  मिरगा रो खुलियो पाँव।  कहे कबीर सुणो भाई साधो,  जोड़ी मिलाई भगवान्।  हिरणी उभी अरज करे।।                ⚝⚝⚝⚝⚝ यह भजन भी देखे  Gaiye Ganpati Jag Vandan गाइए गणपति जग वंदन Bina Niwan Kun Tiriya बिना नीवन कुन तीरिया kelasho Re Mae Re कैलाशो रे माँय रे Jivada Amal Kalje Lago जिवड़ा ...
एक टिप्पणी भेजें
आगे पढ़े »