गुरुदेव कहे सुण चेला...
दोहा : सतगुरु म्हारा बाणिया,
बिणज करे व्यापार।
बिन डांडी बिन ताकड़ी,
गुरु तोल दिया संसार।।
स्थाई : गुरुदेव कहे सुण चेला,
थारो जनम सफल जद वेला।
आद पुरुष ने ध्यावो,
संतो ने शीश नामावो।
थारा कियोडा पाप धुलेला,
थारो जनम सफल जद वेला।।
सत री संगत में जाणा,
भगती में जीव लगाणा।
थारा मन ने मार ले पेला,
थारो जनम सफल जद वेला।।
पर धन धूड़ कर जाणो,
पर तिरिया मात कर मानो।
थूं एड़ी-एड़ी रेहणी में रेला,
थारो जनम सफल जद वेला।।
निन्दिया बुराई मत करजो,
अरे ऊजड़ जावे वां ने वरजो।
राजाराम जी दे रया हेला,
थे भरो भजन रा थेला।।
✫✫✫✫✫
❤ यह भजन भी देखे ❤
टिप्पणियाँ
एक टिप्पणी भेजें