मत कर सांवरा हेरो, म्हारे थारे....
स्थाई:- महल मालिया थोरे, आ भागी झूंपड़ी म्होरे।
मत कर सांवरा हेरो, म्हारे थारे बराबर डेरो।
वळता आइजो पांवणा, मारग में झूंपो म्हारो रे।।
हिंगलु ढोलियो थोरे, आ भागोड़ी माँचली म्होरे।
मत कर सांवरा हेरो, म्हारे थारे बराबर डेरो।।
सिरक पथरणा थोरे, आ फाटोड़ी गूदड़ी म्होरे।
मत कर सांवरा हेरो, म्हारे थारे बराबर डेरो।।
ए ऊना भोजन थोरे, ए ठाडा ठरिया म्होरे।
मत कर सांवरा हेरो, म्हारे थारे बराबर डेरो।।
गैहूँ गेगरा थोरे, आ मोठ बाजरी म्होरे।
मत कर सांवरा हेरो, म्हारे थारे बराबर डेरो।।
हस्ती घोड़ा थोरे, ओ भुरियो पाड़ो म्होरे।
मत कर सांवरा हेरो, म्हारे थारे बराबर डेरो।।
बाग़ बगीचा थोरे, ए खेत में खेजड़ा म्होरे।
मत कर सांवरा हेरो, म्हारे थारे बराबर डेरो।।
राधा रूकमण थोरे, आ जबर जाटणी म्होरे।
मत कर सांवरा हेरो, म्हारे थारे बराबर डेरो।।
कँवर कन्हैयो थोरे, ओ भुरियो लड़को म्होरे।
मत कर सांवरा हेरो, म्हारे थारे बराबर डेरो।।
जाट रूपजी गावे, धणियो रा लाड़ लड़ावे।
मत कर सांवरा हेरो, म्हारे थारे बराबर डेरो।।
✽✽✽✽✽
यह भजन भी देखे
Maharaj Gajanand Aawo महाराज गजानंद आवो
Santo Pura Guru Ti Fal Paawe संतो ! पूरा गुरु ती फल पावे
Kabhi Pyase Ko Pani Pilaya Bhajan Lyrics कभी प्यासे को पानी पिलाया
Kalo ke Mahakal Kehwawo कालो के महाकाल केवावो
Apani Jannat Ko Khuda Ke Liye अपनी जन्नत को खुदा के लिए
CLOSE ADS
CLOSE ADS
टिप्पणियाँ
एक टिप्पणी भेजें