कैलाशो रे माँय रे kelasho Re Mae Re
स्थाई : कैलाशो रे माँय रे, वनवासो रे माँय।
महादेव ने पारवता रमे, सोगटे रो राम।।
कैलाशो रे माँय रे, वनवासो रे माँय।
महादेव जी कहिजे भूमि रा पाटवी हो राज।।
जीते जिणो ने राज रे, जीते जिणो ने राज रे।
हारे जीणो ने देवा तेवटो हो राज।।
नोखे पेलोडे दाव रे, नोखे पेलोडे दाव रे।
महादेव जी जीता ने, पार्वता हारिया ओ राम।।
नोखे दूजोडो दाव रे, नोखे दूजोडो दाव रे।
महादेव जी जीता ने, पार्वता हारिया ओ राम।।
नोखे तीजोड़ो दाव रे, नोखे तीजोड़ो दाव रे।
महादेव जी जीता ने, पार्वता हारिया ओ राम।।
नोखे चौथोड़ो दाव रे, नोखे चौथोड़ो दाव रे।
पार्वता जीता ने, महादेव हारिया ओ राम।।
घाले नांदिये भार रे, घाले नांदिये भार रे।
हवले हवले महादेव जी हालिया हो राम।।
सोकड़ी सेरी रे माँय रे, बिखमी घाटी रे माँय।
देवी रो रथड़ो रे सामी आवियो ओ राम।।
बाबा अलगो जाय रे, जोगी अलगो जाय।
रह जाई रह जाई मारग में एक्लो हो राम।।
घाले झोली में हाथ रे,घाले झोली में हाथ।
तीन पाँखा रो त्रिशूल काढियो ओ राम।।
लीनो हाथ रे माँय रे, लीनो हाथ रे माँय।
काला भेरू रो माथो वाडियो ओ राम।।
शंकर रो अवतार रे, महादेव रो अवतार।
माया मोणो रे भोलेनाथ री ओ राम।।
नमिया सूरज भाण रे, नमिया सूरज भाण।
चन्द्रमा उतारे हर री आरती ओ राम।।
*****
यह भजन भी देखे
Mehandi Rachi Haatha Me Bhajan Lyrics भजन मेहंदी रची हाथा में
Fakiri Chalno Khanda Ri Dhaar फकीरी चालणो खाण्डा री धार
Dedariya Taj De Chilariye डेडरिया, तज दे छिलरिये री आसा
Awo Mhara Natwar Nagariya आओ म्हारा नटवर नागरिया
Ramdevji Ro Byaav Mandyo रामदेवजी रो ब्याव मंड्यो
CLOSE ADS
CLOSE ADS
टिप्पणियाँ
एक टिप्पणी भेजें