म्हारा रूणीचा रा नाथ हेलो सुणजो.....
स्थाई:- म्हारा रूणीचा रा नाथ हेलो सुणजो।
मैं तो जोवा थारी बाट, विनती सुणजो।
थारे दरस रे कारणे रे बाबा आया रूणीचे धाम, विनती सुणजो।
थाने जोडूं दोनूं हाथ, अरजी सुणजो।।
थांरे चढ़ावण कारणे मैं घिरत चूरमा लाऊँ, हेलो सुणजो।
थारे मेवा मिसरी लाऊँ , अरजी सुणजो।
माता मेणा दे रा लाला, हेलो सुणजो।
थारे दरस रे कारणे मैं पैदल-पैदल आया, अरजी सुणजो।
बाबा कलजुग रा अवतार, विनती सुणजो।।
कपड़े रो घोड़लियो बाबा थारे चढ़ाऊँ आय, हेलो सुणजो।
थारी जोत जगाऊँ आय, हेलो सुणजो।
कोई अजमल घर अवतार, हेलो सुणजो।।
सुगणा बाई रा वीर बाबा, द्वारका रा नाथ, हेलो सुणजो।
माता मेणा दे रा लाल, हेलो सुणजो।
निज भगतां रा रखवाल , हेलो सुणजो।।
इण कलजुग रे मायने बाबा, थांरो है आधार, हेलो सुणजो।
कोई लीले रा असवार, हेलो सुणजो।
थारी लीला अपरम्पार, हेलो सुणजो।।
टाबरियाँ रा चढ़े झडूला, जात लगावां आय, हेलो सुणजो।
थांरो जम्मो जगावां आय, हेलो सुणजो।
कोई राम सरोवर पाल, हेलो सुणजो।।
केसरियो बागो हद सोवे, तुर्रे तार हजार, हेलो सुणजो।
राणी नेतल रा भरतार, हेलो सुणजो।
थांरी बोलां जय-जयकार, हेलो सुणजो।।
दास अशोक री वीणती, म्हारी नाव पड़ी मझधार, हेलो सुणजो।
बाबा कर दो भाव सूं पार, हेलो सुणजो।
थांने वन्दन बारम्बार, हेलो सुणजो।।
✽✽✽✽✽
यह भजन भी देखे
Bhilani Rangili Bhajan Lyrics भीलणी रंगीली
Bhajan Me Jawa koni De भजन में जावा कोनी दे
Todi Koni Jawe Re Mohan Su तोड़ी कोनी जावे रे मोहन सूं प्रीतड़ली
Lelo Ji Ramji Ro Naam ले लो जी ले लो, रामजी रो नाम
Darudiya Ne Algo Balo Re दारुढिया ने अलगो बालो रे
CLOSE ADS
CLOSE ADS
टिप्पणियाँ
एक टिप्पणी भेजें