मीरां मेड़तणी रे मनड़े गिरधर.....
स्थाई:- श्याम सुन्दर सपना में आकर, जादू कर ग्यो रे।
सांवरो जादू कर ग्यो रे, ओ मोहन जादू कर ग्यो रे।
मीरां मेड़तणी रे मनड़े गिरधर बस ग्यो रे।।
मन मोहन रा हरजस गातां, सो गई मीरां दासी।
मुरली वाळो आय जगाई, सपना में अध राती।
हाथ पकड़ कर गिरधर नागर, मीठी तान सुणाई।
मगन मुरारी मीरां बाई ने, ऐसी कर ग्यो रे।।
मीठा भोज बणाकर मीरां, कंचन थाल सजावे।
बंशी वाला श्यामसुन्दर ने, कर मनवार जिमावे।
बांध घूंघरा नाच नाचकर, मन मोहन ने रिझावे।
मंद-मंद मुसकातो मोहन, हिये उतर ग्यो रे।।
चक्र सुदर्शन धारी मोहन, पीताम्बर लिपटायो।
रूप मनोहर देख्यो मीरां, हरख-हरख जस गायो।
नेणां नीर छलकतो जावे, मनड़ो हरख्यो जावे।
आज मुरारी इण दासी रो, भाग संवर ग्यो रे।।
दास अशोक सुणावे मोहन, विणती थे सुण लीजो।
निज भगतां ने आय मेड़ते, दर्शण थे दे दीजो।
भवसागर सूं पार लगावो, नैया थारे हाथ।
अमर कन्हैयो मीरां बाई ने, जग में कर ग्यो रे।।
✽✽✽✽✽
यह भजन भी देखे
Sinvaru Pratham Nit Tumko सिंवरू प्रथम नित तुमको
Abh Kahi Soch Kare Re Manwa अब काँहि सोच करे रे मनवा
Bhuriya Baba Bhajan Lyrics भूरिया बाबा
Santh Padhare Panwana Mhari Heli संत पधारे पांवणा महारी हेली
Beta Thari Maa Samjhawe Re बेटा थारी माँ समझावे रे
CLOSE ADS
CLOSE ADS
टिप्पणियाँ
एक टिप्पणी भेजें