चानणी भादव री रे बीज (धुन:- कालवी काठेड़ी रे)
पालणिये में प्रगटिया, रामा राजकुमार।।
स्थाई:- आ चानणी भादव री रे,
बीज भाई म्हारा चानणी भादव री रे बीज।
ऊगियो आथुणे दिश नव चानणो रे जी।।
आ ऊगियो सोना रो सूरज आज,
ऊगियो आथुणे दिश नव चानणो रे जी।।
आ ऊगियो सोना रो सूरज आज,
भाई म्हारा ऊगियो सोना रो सूरज आज।
सेहस किरणां रो स्वामी अवतरयो रे जी।।
आ बाजिया अजमल रे रे ढोल,
सेहस किरणां रो स्वामी अवतरयो रे जी।।
आ बाजिया अजमल रे रे ढोल,
भाई म्हारा बाजिया अजमल री पोल्यां ढोल।
ढोल थाली रे बाज्या महल में रे जी।।
हे कुंकुं पगल्या मांड्या रे आज,
ढोल थाली रे बाज्या महल में रे जी।।
हे कुंकुं पगल्या मांड्या रे आज,
भाई म्हारा रे कुंकुं पगल्या मांड्या रे आज।
केसर चन्दन रा कँवले छांटणा रे जी।।
आ फुलड़ा बरसावे रे मेह इन्दर,
केसर चन्दन रा कँवले छांटणा रे जी।।
आ फुलड़ा बरसावे रे मेह इन्दर,
फूलां रो बरसावे रे मेह।
रंग रा बरसावे बादल देवता रे जी।।
आ पृथ्वी रा पाळणियाँ रे हार,
रंग रा बरसावे बादल देवता रे जी।।
आ पृथ्वी रा पाळणियाँ रे हार,
देखो पृथ्वी रा पाळणियाँ रे हार।
अजमल घर हींडे देखो पाळणे रे जी।।
आ आया रे बलदाऊ सागे श्याम देखो,
अजमल घर हींडे देखो पाळणे रे जी।।
आ आया रे बलदाऊ सागे श्याम देखो,
आया रे बलदाऊ सागे श्याम।
गोकुळ मथुरा फिर धोरां देश में रे जी।।
हे मोटा बीरमदे छोटा राम,
गोकुळ मथुरा फिर धोरां देश में रे जी।।
हे मोटा बीरमदे छोटा राम,
भाई रे मोटा बीरमदे छोटा राम।
माता मेणा दे रा लाला लाडला रे जी।।
आ सजिया रे नगरी रा रे द्वार,
माता मेणा दे रा लाला लाडला रे जी।।
आ सजिया रे नगरी रा रे द्वार,
देखो सजिया रे नगरी रा रे द्वार।
गावे गड़का सूं गोरयां गीतड़ा रे जी।।
आ बँटे बधायां मंगला चार घर-घर,
गावे गड़का सूं गोरयां गीतड़ा रे जी।।
आ बँटे बधायां मंगला चार घर-घर,
बँटे बधायां मंगला चार।
नाचे कोड़ां सूं बांधे गूंगरा रे जी।।
आ छायो छायो हरख ऊमाव नगर में,
नाचे कोड़ां सूं बांधे गूंगरा रे जी।।
आ छायो छायो हरख ऊमाव नगर में,
छायो छायो आणंद ऊछाव
लाडां कोड़ां सूं झूमे मानखो रे जी।।
हे लीनो रे नारायण अवतार भूमि पर,
लाडां कोड़ां सूं झूमे मानखो रे जी।।
हे लीनो रे नारायण अवतार भूमि पर,
लीनो रे नारायण अवतार।
तरसे दरसण ने देवी देवता रे जी।।
आ धरियो रे ब्रह्माजी ब्राह्मण रूप,
तरसे दरसण ने देवी देवता रे जी।।
आ धरियो रे ब्रह्माजी ब्राह्मण रूप,
भाई म्हारा धरियो रे ब्रह्माजी ब्राह्मण रूप।
नारायण लीला देखण पूगिया रे जी।।
आ शिवजी आया बण के बालीनाथ,
नारायण लीला देखण पूगिया रे जी।।
आ शिवजी आया बण के बालीनाथ,
भाई म्हारा शिवजी आया बण के बालीनाथ।
खेलन्ता आँगण हर रे जोवियो रे जी।।
आ झणके रे झाँझरिया रुणझुण राग रंग है,
खेलन्ता आँगण हर रे जोवियो रे जी।।
आ झणके रे झाँझरिया रुणझुण राग रंग है,
झणके रे झाँझरिया रुणझुण राग।
ठुमके ठाकुरजी पगल्या ठाविया रे जी।।
हे मधरे बोले मीठा-मीठा मोर,
ठुमके ठाकुरजी पगल्या ठाविया रे जी।।
हे मधरे बोले मीठा-मीठा मोर,
भाई भाई मधरे बोले मीठा-मीठा मोर।
चिड़कलियाँ चहकत दरशे राम ने रे जी।।
आ हिवड़े में उफणायो रे हेज माता,
चिड़कलियाँ चहकत दरशे राम ने रे जी।।
आ हिवड़े में उफणायो रे हेज माता,
हिवड़े में उफणायो रे हेज।
झारी गंगाजल हरजी सांभड़े रे जी।।
आ लोयां माँहि काजळियो लगाय मेणा दे,
झारी गंगाजल हरजी सांभड़े रे जी।।
आ लोयां माँहि काजळियो लगाय मेणा दे,
हर ने नेणां सुरमो सजाय।
काजळ रो कालो टीको काढियो रे जी।।
आ मोतियाँ री माला हीरां हार हरि रे,
काजळ रो कालो टीको काढियो रे जी।।
आ मोतियाँ री माला हीरां हार हरि रे,
मोतियाँ री माला हीरां हार।
कुरतो कसूंबल धोळी धोवती रे जी।।
हे मंगवावो माँदलियो मंतराज मावड़ी,
कुरतो कसूंबल धोळी धोवती रे जी।।
हे मंगवावो माँदलियो मंतराज मावड़ी,
मोलावो माँदलियो मतराव।
निजरां ऊतारे टूणा टोटका रे जी।।
आ पेलो परचो देवे रे मात मेणा दे ने,
निजरां ऊतारे टूणा टोटका रे जी।।
आ पेलो परचो देवे रे मात मेणा दे ने,
पेलो परचो देवे रे प्रतिपाल।
चूल्हे उफणतो दूध ढाबियो रे जी।।
आ बाल हठ कीनो रे बालक राम,
चूल्हे उफणतो दूध ढाबियो रे जी।।
आ बाल हठ कीनो रे बालक राम,
लीनो रे बाळक हठ राम।
घोड़ो मंगवादे माता घूमस्यूं रे जी।।
आ कपड़ा रो घोड़लियो बणवाय अजमलजी,
घोड़ो मंगवादे माता घूमस्यूं रे जी।।
आ कपड़ा रो घोड़लियो बणवाय अजमलजी,
कपड़ा रो घोड़लियो सिलवाय।
दरजी लायो रे बाळक राम रे रे जी।।
हे उडियो रे आकाशां रे माँय बापजी,
दरजी लायो रे बाळक राम रे रे जी।।
हे उडियो रे आकाशां रे माँय बापजी,
उड़िया रे आकाशां रे माँय।
घर का घबराए सुध बुध भूलिया रे जी।।
आ गायां रे चरावे रे आज कांकड़ में,
घर का घबराए सुध बुध भूलिया रे जी।।
आ गायां रे चरावे रे आज कांकड़ में,
गायां रे चरावे रे आज।
दड़ियाँ रमतोड़ा दड़बड़ दौड़िया रे जी।।
आ बैठा रे परवत रे रे माँय बालीनाथ,
दड़ियाँ रमतोड़ा दड़बड़ दौड़िया रे जी।।
आ बैठा रे परवत रे रे माँय बालीनाथ,
बैठा रे परवत रे रे माँय।
झाँकी नारायण जोगी जो रयो रे जी।।
आ आवे रे भैरूड़ो विकराल भाई म्हारा,
झाँकी नारायण जोगी जो रयो रे जी।।
आ आवे रे भैरूड़ो विकराल भाई म्हारा,
आवे रे भैरूड़ो विकराल।
गूदड़ ओढ़ायो हरि ने नाथजी।।
हे खेंचत गूदड़ी ने हारयो देत भैरूड़ो,
गूदड़ ओढ़ायो हरि ने नाथजी।।
हे खेंचत गूदड़ी ने हारयो देत भैरूड़ो,
खेंचत गूदड़ी ने हारयो देत।
भिड़मल भिड़िया रे भेरू मारियो रे जी।।
आ बिणजारो मिसरी री बालध लाय बाजारां,
बिणजारो मिसरी री बालध लाय।
पूछ्यो हरि मिसरी रो बणग्यो लूण भाई म्हारा,
बणगो रे सब मिसरी रो लूण।
पड़ियो पगां में पछतावियो रे जी।।
आ रम रया रामतिया बणाय साथीड़ा सूं रमे रे कमाल।
मूरत बणाया मूरत जूंझिया रे जी।।
हे बिना ब्याही बकरियां रो दूध रामसा,
बिना ब्याही बकरियां रो दूध।
तिरसा ग्वाला ने प्रभुजी तारियो रे जी।।
✽✽✽✽✽
भिड़मल भिड़िया रे भेरू मारियो रे जी।।
आ बिणजारो मिसरी री बालध लाय बाजारां,
बिणजारो मिसरी री बालध लाय।
पूछ्यो हरि मिसरी रो बणग्यो लूण भाई म्हारा,
बणगो रे सब मिसरी रो लूण।
पड़ियो पगां में पछतावियो रे जी।।
आ रम रया रामतिया बणाय साथीड़ा सूं रमे रे कमाल।
मूरत बणाया मूरत जूंझिया रे जी।।
हे बिना ब्याही बकरियां रो दूध रामसा,
बिना ब्याही बकरियां रो दूध।
तिरसा ग्वाला ने प्रभुजी तारियो रे जी।।
✽✽✽✽✽
यह भजन भी देखे
Bata Mete Yaar Sudama Re Bhajan Lyrics बता मेरे यार सुदामा रे
Jai Dharti Maa Jai Gau Mata जय धरती माँ जय गौ माता
Jahar Diyo Jad Me Jaani जहर दियो जद मैं जाणी रे
Nugra Mat Rehna Ji नुगरा मत रहना जी
Chausat Jogani Mataji Bhajan Lyrics चौसठ जोगणी
CLOSE ADS
CLOSE ADS
टिप्पणियाँ
एक टिप्पणी भेजें