करता डंडोता आवे, भगत थारे
दोहा:- धजाधारी आवे जातरू , भूप आवे पाँय।
सिमरया सिमरथ बापजी, करे संकट में स्याय।।
स्थाई:- करता डंडोता आवे, भगत थारे उलवाणा आवे।
जय बाबा री, जय बाबा री गाता-गाता आवे।।
कोसां चाले पाला-पाला, माथे तपे तावड़ियो।
भूक-तिरस री फिकर नहीं कोई, लाज राखसी सांवरियो।
रूणीचे रा श्याम धणी थाने, दुखड़ा आय सुणावे।।
हिन्दू मुस्लिम सिक्ख ईसाई, सब कोई थाने ध्यावे है।
थारे शरणे सगळा सरीखा, सगळी दुनियाँ आवे है।
जात-पात रो भेद नहीं जो, शरण आवे सुख पावे।।
दिन रा काटे पेंड़ो जातरी, रातां जमो जगावे।
बूढ़ा टाबर और लुगायां, बाबे रा गुण गावे है।
घिरत चूरमो बाबा थारे, मिन्दर भोग लगावे।।
त्रिलोकी रा नाथ कहीजो, अजमल घर अवतारी हो।
पीड़ हरी थे भगतां री जद, महिमा थारी गावे है।
उमड़े दुनियाँ सारी जद-जद, मास भादवो आवे।।
जय बाबा री, जय बाबा री, चारुं खूंट सुणावे है।
अशोक थारो दास कहीजे, महिमा थारी गावे है।
शरणे राखिजो दास ने दाता, चरणां में सुख पावे।।
✽✽✽✽✽
यह भजन भी देखे
Unh Ghar Jhaije Veran Neend उण घर जाइजे वैरण नींद
Kanuda Laal Jawade Jamuna Ri Teer
Paav Me Ghungharu Bandh Ke Naache Bhajan Lyrics पाव में घुंगरू बाँध के नाचे
Dedariya Taj De Chilariye डेडरिया, तज दे छिलरिये री आसा
Mehandi Rachi Haatha Me Bhajan Lyrics भजन मेहंदी रची हाथा में
CLOSE ADS
CLOSE ADS
टिप्पणियाँ
एक टिप्पणी भेजें