म्हें तो सब देवां ने छोड़ रामसा
दोहा:- हरजी ने हरी मिल्या, आड़े मारग आय।
पूजण ने घोड़ो दियो, बाबा दूध पिवण ने गाय।।
स्थाई:- म्हें तो सब देवां ने छोड़ रामसा ने ध्यावां।
म्हारे मन रे तंदूरे पर थारी वाणी गावां।।
खम्मा घणी अजमाल जी रा लाल ने।।
घणी खम्मा अजमाल जी रा लाल ने,जियो, जियो।।
आंधलियाँ ने आँख्या देवो, पांगलियाँ ने पाँव जी।
निर्धनियाँ ने धन देवो, धिन हो रामापीर जी।
म्हें तो सारा जग ने छोड़ थारे शरणे आवां।।
अगर चनण रो बण्यो देवरो, धोखे लोग लुगाई जी।
धोळी धजा फरुखे बाबा रे, मिनखां री सकलाई जी।
थारे मिन्दर में झालर बाजे म्हें सुख पावां।।
जब-जब भीड़ पड़ी भगतां पर, थे ही लाज बचाई जी।
बड़ा-बड़ा री थारे आगे, भूल हुई चतुराई जी।
मेणां दे रा कंवर थारा म्हें यश गावां।।
भेदभाव रो भरम मिटायो, नयो धरम दिखायो जी
अनजाणी दुनियाँ ने साँचो, आतम ज्ञान सुणायो जी।
अनजाणी दुनियाँ ने साँचो, आतम ज्ञान सुणायो जी।
सुगणां बाई रा बीर, थारा म्हें गुण गावां।।
✪✪✪✪✪
यह भजन भी देखे
Darshan Deta Jaijo Bhajan Lyrics दर्शन देता जाइजो जी
Bhuriya Baba Bhajan Lyrics भूरिया बाबा
Shravan kumar Bhajan Lyrics श्रवण कुमार
Ghodaliyo Mangwa Mhari Maa घोड़लियो मंगवाय म्हारी माँ
Do Do Gujariya Ke Bich दो दो गुजरिया के बिच
CLOSE ADS
CLOSE ADS
टिप्पणियाँ
एक टिप्पणी भेजें