नाचे टाबरिया बाबा रो (धुन:- चन्दा छुप जा रे )
दोहा:- ऊँचो धणी रो देवरो, रुणीचो दरबार।
टाबरिया दर्शन करे, हिवड़े हरख अपार।।
स्थाई:- फूटरो लागे मंदिरियो, फूटरो लागे।
नाचे टाबरिया, बाबा थारा टाबरिया,
नाचे टाबरिया बाबा रो मंदिरियो फूटरो लागे।।
दौड्या-दौड्या जावे टाबरिया, रूणीचा दरबार।
सालों साल उडीके बाबो, लीले रो असवार।।
मैं थारे चरणां रो चाकर, थे म्हारा भगवान।
थांरो भरोसो म्हाने बाबा, राखीजो म्हारो ध्यान।।
रामदेव बाबा री पूजा, घर-घर गाँव गळी।
साँचा मन सूं सिंवरे ज्यां री, बाबो करे भली।।
इण कलजुग में बाबा थारी, जग में जोत सवाई।
भगतां ऊपर किरपा कीजो, नैया पार लगाई।।
✽✽✽✽✽
यह भजन भी देखे
टिप्पणियाँ
एक टिप्पणी भेजें