हाथ जोड़ ने अरज करुँ मैं.. (रामदेव जी भजन )
दोहा:- भादूड़ा री बीज ने, जद चंदो करे प्रकाश।
रामदेव बण आवसूं, थे राखीजो विशवास।।
स्थाई:- हाथ जोड़ ने अरज करुँ मैं, आयो थारे बारणे।
दुनियाँ म्हाने मेणां बोले, एक टाबर रे कारणे।।
केवे अजमल सुण रे सांवरा, इतरो मत बण रे मूँजी।
एक टाबरियो म्हाने देवे तो, नहीं घटेला थारी पूँजी।
नहीं सुणेला, विघन करूंला, आयो घर सूं धार ने।
दुनियाँ म्हाने मोसा बोले, एक टाबर रे कारणे।।
बोलियों पण्डित सुणो ठाकरां, मुरति आगे काँई लड़ो।
सांवरिया सूं मिलणो वे तो, सागरिया में कूद पड़ो।
इण रे सागर पीपाजी ने, मिलिया चारभुजा धार ने।
दुनियाँ म्हाने मोसा बोले, एक टाबर रे कारणे।।
इतरी बात सुणी अजमल ने, सागरिया में कूद पड्या।
सोने रा तो महल देखिया, हीरा पन्ना सूं जड़िया।
आय सांवरे दर्शण दीना, सिर पर पट्टी बाँध ने।
दुनियाँ म्हाने मोसा बोले, एक टाबर रे कारणे।।
चौदह सौ इकसठ माघ सुद, नयो चाँद जद ऊगेला।
सुणजे अजमल थारे पालणे, दो दो टाबर झूलेला।
पाणी रो तो दूध बणेला, कुंकुं पगल्या आँगणे।
दुनियाँ म्हाने मोसा बोले, एक टाबर रे कारणे।।
अजमल घर अवतार लियो है, द्वारिका रा नाथ जी।
भक्त मण्डली चरणों में बाबा, धरो शीश पर हाथ जी।
बेगा आईजो मत देर लगाइजो, भक्तो रे हित कारणे।।
दुनियाँ म्हाने मोसा बोले, एक टाबर रे कारणे।।
✪✪✪✪✪
यह भजन भी देखे
Awo Mhara Natwar Nagariya आओ म्हारा नटवर नागरिया
Paav Me Ghungharu Bandh Ke Naache Bhajan Lyrics पाव में घुंगरू बाँध के नाचे
Guru Dev Jagawe गुरु देव जगावे
Chausat Jogani Mataji Bhajan Lyrics चौसठ जोगणी
Bhajan Ri Lagi We So Jaane Bhajan Lyrics
CLOSE ADS
CLOSE ADS
टिप्पणियाँ
एक टिप्पणी भेजें