सीधे मुख्य सामग्री पर जाएं

Ramdevji Ro Byaav Mandyo Bhajan Lyrics रामदेवजी रो ब्याव मंड्यो



रामदेवजी रो ब्याव मंड्यो........ 

स्थाई :- रामदेवजी रो ब्याव मंड्यो रूणीचे।।
सोने रे पाट बैठाय बाबो तेल चढ़्यो रूणीचे,
हे, तेल चढ़्यो हल्दी रंग चढ्यो रूणीचे,
अजमल जी रो कँवरो आज सज्यो है बींद बण्यो रूणीचे।।

ढोल नगारा आज घुरया आँगणिये।।
बाई लाछा सुगणा नाचे गावे, कोड करे आँगणिये,
हे,कोड करे भाई पीठी करे आँगणिये,
केसरिया बागो तुर्रा किलंगी बाबो बींद बण्यो आँगणिये।।

हिन्दवाणो सूरज चमके है, चमके है।।
तंवराँ रो कँवरो बींद बण्योड़ो पलके है, पलके है,
हे कमर कटारो हाथ में भालो भलके है,
लीले अस्वारया आज बाबो मुलके है, मुलके है।।

ओलो-दोलो निरखे बनड़ी, बनड़ो केड़ो फूटरो,
ओलो-दोलो निरखे नेतल, बनड़ो केड़ो-केड़ो फूटरो,
ईने अजमल जी सिणगारियो ए नेतल बनड़ी बनड़ो एड़ो फूटरो,
ईने अजमल जी सिणगारियो ए बनड़ी बनड़ो एड़ो फूटरो।।
गेरो-गेरो निरखे बनड़ी बनड़ो केड़ो फूटरो,
गेरो-गेरो निरखे नेतल बनड़ो केड़ो-केड़ो फूटरो,
ईने बीरमदे सिणगारियो ए बनड़ी बनड़ो एड़ो फूटरो,
ईने बीरमदे सिणगारियो ए बनड़ी बनड़ो एड़ो -एड़ो फूटरो।।


गेरो-गेरो निरखे सासू बनड़ो केड़ो फूटरो,
गेरो-गेरो निरखे सासू बनड़ो केड़ो-केड़ो फूटरो। 
ईने हडबू जी सिणगारियो ए नेतल बनड़ो केड़ो फूटरो। 
ईने हडबू जी सिणगारियो ए बनड़ी बाबो लागे फूटरो।।

ओलो-दोलो निरखे सखियाँ, बनड़ो केड़ो फूटरो। 
गेरो-गेरो निरखे सखियाँ, बनड़ो केड़ो फूटरो। 
ईने मेणादे सिणगारियो ए नेतल बनड़ो एड़ो फूटरो,
ईने सुगणा बाई सिणगारियो ए बनड़ी बनड़ो एड़ो फूटरो।।

जल्ला रे, मैं तो राज रा डेरा निरखण आई रे। 
ओ म्हारी जोड़ी रा जल्ला, हो मिरगा नैणी रा जल्ला। 
मैं तो राज रा डेरा निरखण आई रे, राज।।

सोढ़ा रे आँगण आज बाबो परणीजे जी परणीजे। 
ओ तो अमरकोट रे माँय बाबो परणीजे जी परणीजे। 
नेतल रो खुलियो भाग बाबो परणीजे जी परणीजे। 
पगल्यां दे पगां चलाय बाबो परणीजे जी परणीजे। 
चँवरया में पकड्यो हाथ बाबो परणीजे जी परणीजे। 
ओ तो तीन लोक रो नाथ बाबो परणीजे जी परणीजे। 
ओ तो मुलक मुलक पग राख बाबो परणीजे जी परणीजे। 
ए तो फेरा लीना चार बाबो परणीजे जी परणीजे।।


पेलो फेरो फिरियो नेतल, बाबोसा री लाडली। 
दूजो फेरो फिरियो नेतल, माताजी री धीवड़ी। 
तीजो फेरो फिरियो नेतल, काका री भतीजी। 
चौथो फेरो फिरियो नेतल, होया रे पराया।। 

सेंवरिया रा दान बाई रा बाबोसा तो देवे, आई रे धरमियाँ री वेला ओ राज। 
गायां भेस्यां दान बाई ने माताजी तो देवे, आई रे धरमियाँ री वेला ओ राज। 
हाथां रा हथफूल बाई ने मामोसा तो देवे, आई रे धरमियाँ री वेला ओ राज।।

दो नी बाबोसा बाई ने दायजो रे म्हारी नेतल बाई सासरिये जाय। 
दो नी बाबोसा बाई ने दायजो रे म्हारी नेतल बाई सासरिये जाय।।

मोरिया रे माँय म्हारे बाबोसा री लाडक चाली सासरे ओ राज, मोरियो। 
मोरिया रे माँय म्हारे काकाजी री लाडक चाली सासरे ओ राज, मोरियो। 
मोरिया रे माँय म्हारे बुआ री भतीजी चाली सासरे ओ राज, मोरियो।।
               ✽✽✽✽✽

यह भजन भी देखे 

ऊँचो भवानी थांरो देवरो Uncho Bhawani Tharo Dewaro

Bhilani Rangili Bhajan Lyrics भीलणी रंगीली

Shravan kumar Bhajan Lyrics श्रवण कुमार

Marudhar Me Jyot Jagay Gayo मरुधर में जोत जगाय गयो

Samay Ko Bharoso Koni समय को भरोसो कोणी
CLOSE ADS
CLOSE ADS
लेबल:

टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

Baras Baras Mhara Indra Raja Bhajan बरस बरस म्हारा इंद्र राजा

।।   बरस बरस म्हारा इंद्र राजा ।। बरस बरस म्हारा इंद्र राजा तेजाजी का मेला में , बरस बरस म्हारा इंद्र राजा तेजाजी का मेला में , जाटा जी बुलावे राजा देव रे ओलमा , पलका बिछाई थारा दहेला में , बरस बरस म्हारा इंद्र राजा तेजाजी का मेला में , गुर्जरजी बुलावे राजा देव रे   ओलमा , फुलड़ा लाइजे भर थेला में , बरस बरस म्हारा इंद्र राजा तेजाजी का मेला में , मीणाजी बुलावे राजा देव रे ओलमा , करो प्रकट धेन धेला में , बरस बरस म्हारा इंद्र राजा तेजाजी का मेला में , सोहन सिंह गावे प्रहलाद बनावे , भजन सुरीला कैसेट अल्फ़ा में , बरस बरस म्हारा इंद्र राजा तेजाजी का मेला में ,                        ✽✽✽✽✽ यह भजन भी देखे  ऊँचो भवानी थांरो देवरो Uncho Bhawani Tharo Dewaro Lok Laaj Dinhi Khoy Fakiri लोक लाज दीन्ही खोय फकीरी Ganesh Ji Aarti श्री गणेशजी की आरती काली कमली वाला मेरा यार है Kali Kamali Wala Mera Yaar Hai Guru Gyaani...
एक टिप्पणी भेजें
आगे पढ़े »

Bhilani Rangili Bhajan Lyrics भीलणी रंगीली भजन

भजन भीलणी रंगीली......   दोहा :   नार नवेली बणी अलबेली , बणी हे वा रंगीली।             पर्वता छलवा ने आई , बण भीलणी रंगीली।। स्थाई :   भीलणी रंगीली , अरररर भीलणी रंगीली।                शिवजी रो , बाबा रो , लहरी रो मनड़ो मोयो रे , भीलणी रंगीली।। घेर घुमालो पहन गागरो , ओढण अंबुआ साड़ी।   शिवजी आगे नृत्य कियो जद , शिवजी पालक उगाड़ी।। किस्या भील री बेटी कहिजे , किस्या भील ने ब्याही।   कावण थारो नाम कहीजे , किण पुरुष घर नारी।   केवे शिवजी सुण ले भीलणी , कर ले प्रीत हमारी।। हेमा भील री बेटी कहिजूं , शिविया भील ने ब्याई।   कहे भीलणी सुण ले बाबा , मत कर प्रीत हमारी।। भील जात भिखियारी रे बाबा , मत कर प्रीत हमारी।। म्हारे घर भंवर भील है , उड़ता पंछी मारे।   थने मार ने म्हने ले जावे , पथ दोनों री जावे।। नव दानव जागृति में मारया , भील किण रे लेखे।   जटा मुकुट में थाने छिपा लूं , भील कठां सूं देखे।। पहली हे थारे गवर पारवता , दूजी सिर प...
एक टिप्पणी भेजें
आगे पढ़े »

Mana Thari Umar Jawe Re Bhajan मना थारी उमर जावे रे

मना थारी उमर जावे रे.....  दोहा:- माया काया पांवणी, और कन्या घर होय।  राख्योड़ी रेवे नहीं, ए उठ चले पथ खोल।। स्थाई:-  मना थारी उमर जावे रे,    मना थारी उमर जावे रे।  आछा दिन थारा बीत गया, चोखा  दिन थारा बीत गया, दिन अबका आवे रे,  मना थारी उमर जावे रे। । मात-पिता सुण कामणी, माया भरमावे रे।  करी कमाई थारी खोस लेवेला, पीछे पछतावे रे। । मोह माया री नींद में, काँहि सुख भर सोवे रे।  रतन पदारथ मानखो, विरथा  काँहि खोवे रे। । माया विष री वेलड़ी, तांता पसरावे रे।  बाजीगर रा बांदरा ज्यूं, नाच नचावे।। ओ संसार मृग जल भरियो, हाथ नी आवे रे।  भटकत फिरे उजाड़ में, थारो जीव तरसावे रे। । सन्त बड़ा परमारथी, सुण ज्ञान बतावे रे।  सीधे रस्ते चालणो, सिमरथ समझावे रे। ।                         ✽✽✽✽✽    यह भजन भी देखे  Udata Pankheru Vivah Mandiyo उड़ता पंखेरू विवाह मांडियो Sambhalo Ni Sayal Ramdevji साम्भलो...
एक टिप्पणी भेजें
आगे पढ़े »