।। गणपत घरवा ओपरा ।।
अरे गणपत गरवा ओपरा रे
हे सिवरो भाई संतो,
अरे भव सागरीय में डूबता रे
हे पथ हमके लागो
हे मारा सतगुरु हेलो मारियो रे
सुतोडा जागो
अरे सुनो पुरो रा खेलना रे
हे कायर डर भागो।।
अरे नदी किनारे बैसनो रे
हे जल पीने ठंडो
अरे वचन गुरुजी रो मानणो रे
हे पग धरणो आगो
हे मारा सतगुरु हेलो मारियो रे
हे सुतोडा जागो
अरे सुनो पुरो रा खेलना रे
हे कायर डर भागो।।
अरे बीज खेत में बावणो रे
हे खारस मत बावो
अरे किनोडी कमाई आड़ी आवसी रे
हे गाड़ा भर लावो
हे मारा सतगुरु हेलो मारियो
हे सुतोडा जागो
अरे सुनो पुरो रा खेलना रे
हे कायर डर भागो।।
अरे हिरला बनजो हेदिरा रे
हंस दावन चालो
अरे मोती समंद में निपजे रे
हंसला रो ठावो
हे मारा सतगुरु हेलो मारियो
हे सुतोडा जागो
अरे सुनो पुरो रा खेलना रे
हे कायर डर भागो।।
अरे धार्मिदास धन हेरियो रे
हे एतबारो आयो
केवु दीवाना केसरी रे
जूठी मत जानो
हे मारा सतगुरु हेलो मारियो
हे सुतोडा जागो
अरे सुनो पुरो रा खेलना रे
हे कायर डर भागो।।
✽✽✽✽✽
यह भजन भी देखे
टिप्पणियाँ
एक टिप्पणी भेजें